2 минг 187 та йирик солиқ тўловчидан 32,9 трлн сўмдан ортиқ солиқ ундирилган

Солиқ қўмитаси маълумотларига кўра, 2024 йил январь-апрель ойларида 2 минг 187 та йирик солиқ тўловчи томонидан 32,9 триллион сўмдан ортиқ солиқ тушумлари амалга оширилди.

Шундан 16,2 триллион сўми давлат улуши мавжуд топ-10 та йирик солиқ тўловчи ҳисобига тўғи келади.

Ушбу ўнликда солиқ тўловлари бўйича Навоий кон металлургия комбинати етакчилик қилмоқда – 7,7 триллион сўмдан зиёд. 2,5 триллион сўмдан зиёдроғи хусусий сектордаги топ-10 йирик солиқ тўловчилар ҳисобига тўғри келади.

Мазкур рейтингда “Уз BAT” – 843 миллиард сўм солиқ тушумларини амалга оширган ҳолда энг юқори кўрсаткич қайд этган. Аввалроқ қурилиш фаолияти билан шуғулланувчи 33 минг 90 та юридик шахс томонидан 2024 йил январь-март ойларида 2,1 триллион сўмдан ортиқ солиқ тўлагани ҳақида хабар берилган эди.