Xiaomi иккинчи автомобилини тақдим этишни режалаштирмоқда
“Xiaomi” янги электромобил моделини ишлаб чиқмоқда. Бу ҳақда “Bloomberg” нашри хабар берди.
Қайд этилишича, компаниянинг иккинчи автомобили “Тесла Й"га ўхшаш спорт йўлтанламаси бўлади. Автомобил 2026 йилда чиқарилиши режалаштирилган.
“Xiaomi"дан бўлажак йўлтанламаси қандай кўринишга эга бўлиши, хусусиятлари қандай бўлиши ва унинг нархи қанча бўлиши ҳозирча номаълум.
ОАВнинг таъкидлашича, компания ҳали ҳам машинани ишлаб чиқиш ва ишлаб чиқаришни йўлга қўйиш устида ишламоқда.
“Xiaomi” компаниясининг ўзи журналистларнинг бўлажак электромобил чиқарилиши ҳақидаги саволларига жавоб бермади.
“Xiaomi"нинг биринчи “СУ7” автомобили 28 март куни тақдим этилганди. Расмий маълумотларга кўра, 4 дақиқада 10 000та, 7 дақиқада 20 000та, 27 дақиқада 50 000та ва 24 соат ичида 88 898та олдиндан буюртма берилган.
3 апрель куни бўлиб ўтган “Xiaomi СУ7” етказиб бериш маросимида “Xiaomi” асосчиси ва раҳбари Лей Жун электромобиллар сотуви бошланганидан бери бир неча кун ичида 100 мингдан ортиқ одам буюртма берганини, тўланган буюртмалар сони эса 40 мингдан ошганини айтди.
Ҳозирда “Xiaomi СУ7 Стандард Эдитион” ва “Xiaomi СУ7 Про” буюртмалар расмийлаштирилгандан кейин 26−29 ҳафта ичида етказиб берилади, “Xiaomi СУ7 Мах” эса 28−31 ҳафта ичида етказиб берилиши кутилмоқда.
