Эрдўған ва Асад Россияда учрашиши мумкин
Туркия президенти Ражаб Тоййиб Эрдўған ва Сурия президенти Башар ал-Ассад Сурияда фуқаролар уруши бошланганидан бери 13 йил ичида илк бор учрашиши мумкин. Учрашув сентябрь ойида, эҳтимол Россия, Ироқ ёки Форс кўрфази давлатларидан бирида бўлиши мумкин. Бу масала Россия президенти Владимир Путиннинг Туркияга ташрифидан сўнг ниҳоят келишиб олиниши керак, деб ёзади Türkiye Gazetesi.
Учрашув арафасида давлатлар ҳарбий, сиёсий, иқтисодий масалалар, терроризм ва қочқинлар масалалари бўйича комиссиялар тузиши, шунингдек, ўз позицияларини қайта кўриб чиқиши керак. Асосий масалалар Суриянинг давлат суверенитети, суриялик қочқинларнинг ватанларига қайтиши ва курдларнинг ҳарбий-сиёсий ташкилоти ПКК/ЙПГга қарши кураш бўлади.
Мақолада қайд этилишича, Эрон режими Сурия-Туркия муносабатларининг нормаллашувидан норози ва бу жараённи издан чиқаришга ҳаракат қилмоқда.
