"Ман Сити" Эдерсонга "Реал"дан ўринбосар топди

Мадриднинг “Реал” клуби дарвозабони Андрей Лунин Англия Премьер-лигасига ўтиши мумкин.

Fichajes хабарига кўра, "Манчестер Сити" "Реал"да ажойиб мавсум ўтказган 25 ёшли дарвозабонни кузатиб бормоқда. Қайд этилишича, “шаҳарликлар” Эдерсон Мораэс ўрнига ўринбосар изламоқда, чунки бразилиялик футболчининг Саудия Арабистонига кўчиб ўтиш эҳтимоли юқори.

2023/24 йилги мавсумда Лунин барча турнирларда 31 та учрашувда майдонга тушди ва шулардан 12 тасида ўз дарвозаси дахлсизлигини сақлаб қола олди.