Сурхондарёда юк машинасига беркитилган қарийб 8 кг гиёҳвандлик воситалари фош бўлди

Вилоят божхона бошқармаси ва бошқа тегишли ташкилотлар ўзаро ҳамкорликда, Айритом" чегара божхона постига кириб келган автотранспорт воситасини кўздан кечиришган.

Натижада автотранспорт кабинасидаги хуфия жойга беркитилган 7 та сариқ рангли скоч билан ўралган ўрамларни топишган.

Ушбу ўрамлар очилиб, махсус электрон тарозида ўлчаб кўрилганда 3 та ўрамда жами оғирлиги 3 кг бўлган "опий" ва 4 та ўрамда оғирлиги 4 кг 950 гр бўлган "гашиш" гиёҳвандлик воситалари борлиги аниқланган.

Ҳолат юзасидан жиноят иши қўзғатилган.