Винисиус Роналдудан совға олди (фото)
Мадриднинг “Реал” клуби ҳужумчиси Винисиус Жуниор Криштиану Роналдудан футболка совға қабул қилди. Бразилиялик бундай суратни ижтимоий тармоқларда жойлаштирди.
Гап яқинда 16 ноябрь куни бўлиб ўтган Лихтенштейн - Португалия ўйинидан олинган футболка ҳақида кетмоқда. Футболкада Роналдунинг Винисиусга ёзилган дастхатини кўришингиз мумкин.
Клуб миқёсида Криштиану Роналду деярли бир йилдан бери “Ан-Наср”да ўйнамоқда. Аввалроқ, 2009-2018 йилларда португалиялик футболчи "Реал"да ўйнаган.
"Реал" Испания чемпионатининг навбатдаги ўйинини 26 ноябрь, якшанба куни рақиб майдонида "Кадис"га қарши ўтказади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
