Венгрия Африкага қўшин юборади
Венгрия бош вазири Виктор Орбан миграцияни жиловлаш учун Чадга 200 нафар аскар юборишни режалаштираётганини айтди. Бу ҳақда у Будапештда Чад президенти Маҳамат Идрисс Деби Итно билан учрашувдан сўнг маълум қилди.
Чад миграцияга қарши кампанияда муҳим роль ўйнайди, деди Орбан ўзининг Facebook саҳифасида.
«Африкадан Европага миграцияни Саҳел минтақаси давлатларисиз тўхтатиб бўлмайди. Шу сабабли Венгрия Чад билан ҳамкорлик алоқаларини ўрнатмоқда. Биз бугун ва эртага президент Деби билан биргаликда бу борада ишлаяпмиз», деди Орбан.
Венгрия Африка ва мусулмон дунёсидан келган муҳожирлар ва бошпана изловчиларга нисбатан қаттиқ муносабатда бўлган Европа давлатлари сирасига киради.
Бироқ, кўплаб таҳлилчилар Орбаннинг Саҳел мамлакатлари билан яқинлашишида прагматик манфаат ва иқтисодий манфаатларни кўришади: денгизга чиқиш имкони бўлмаган Венгрия минералларга бой Саҳелда ўз ўрнини эгаллашга интилмоқда.
