Нетаняху мудофаа вазири Галантни истеъфога чиқаришга тайёрланяптими?
Исроилнинг етакчи телеканалларининг хабар беришича, Бош вазир Бенямин Нетаняху ўта ўнгчи коалиция ҳамкорлари босими остида мудофаа вазири Йоав Галантни ишдан бўшатиш ва унинг ўрнига собиқ иттифоқдоши Гидеон Саарни тайинлаш имкониятини кўриб чиқмоқда.
Галантнинг ишдан бўшатилиши мумкинлиги ҳақидаги хабарлар сиёсий манзарани ларзага келтирди ва Исроил молия бозорининг пасайишига олиб келди, айниқса Исроил ва Ливаннинг Ҳизбуллоҳи ўртасида кенг кўламли уруш таҳдиди пайдо бўлиши билан.
16 cентябр куни Тел-Авив Ливан йўналишини уруш мақсадларидан бири сифатида расман киритди.
Нетаняху Саар билан музокаралар олиб бораётганини рад этди, гарчи у Галант учун режалари ҳақида ҳеч қандай изоҳ бермаган.
Бу Нетаняхунинг Мудофаа вазирлиги раҳбарини ишдан бўшатишга уриниши биринчи марта бўлмайди.
