Ўзбекистондаги асосий байрам тадбирларини саҳналаштирган режиссёр вафот этди

Режиссёр Шамсиддин Қодиров 63 ёшда вафот этди. Бу ҳақда Маданият вазирлиги хабар берди.

У фаолияти давомида юзга яқин маданий-маърифий тадбирлар, Наврўз халқ сайиллари, Мустақиллик кунига бағишланган оммавий байрам ва концерт дастурларини моҳирона саҳналаштириб, маданият ва санъатимиз тарғиботига катта ҳисса қўшган.

Шамсиддин Қодиров маданият соҳасидаги 37 йиллик фаолияти давомуда томоша санъатининг янгидан жонланиши ва ривожланишига муносиб ҳисса қўша олганлар шахслардан бири эди.