Ўзбекистон ташқи ишлар вазири Кипрнинг янги элчисидан ишонч ёрлиқларини қабул қилиб олди

Ўзбекистон ташқи ишлар вазири Бахтиёр Саидов бугун Кипрнинг мамлакатимиздаги элчиси этиб тайинланган (қароргоҳи Москва шаҳрида) Кипрос Йоргаллиcни қабул қилди, деб хабар қилмоқда "Дунё" АА мухбири.

"Кипрнинг Ўзбекистондаги Фавқулодда ва Мухтор Элчиси этиб тайинланган Кипрос Йоргаллиc жаноблари билан учрашиб, ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг telegram каналида. – Ўзбекистон ва Кипр ташқи ишлар вазирликлари ўртасидаги мунтазам мулоқот тобора мустаҳкамланиб бораётган муносабатларимизга, айниқса, иқтисодий йўналишдаги алоқаларга янги суръат бағишлайди".