“Уммон ва БААдан ўтган циклон таъсири Афғонистонгача сезилади” — иқлимшунос

БААнинг Дубай шаҳрида 16 апрели куни 1 сутка давомида 120 мм ёғингарчилик кузатилди. Бу Дубай шаҳри учун бир йилда ёғиши керак бўлган ёғиндан ҳам кўп. Иқлимшунос Эркин Абдулаҳатовнинг билдиришича, мазкур циклон бошқа ҳудудларга ҳам ўз таъсирини кўрсатади.

Мазкур ҳолат Уммонда ҳам кузатилаётган бўлиб, камида 18 киши ҳалок бўлган ҳамда Бирлашган Араб Амирликларига барча саёҳатлар тўхтатилган.

Уммон ва БААдан ўтган циклон ҳали ўз “энергиясини” Эрон, Покистон ҳамда Афғонистон ҳудудларида ҳам кўрсатади. Юқоридаги мамлакатлар фалокатли сел-сув тошқинларига тайёргарлик кўриши керак, — дейди иқлимшунос.