Мадуро: АҚШ дунёда ҳарбий можароларни режалаштиради ва бошлайди
Қўшма Штатлар бутун дунё бўйлаб ҳарбий можароларни бошлаб юбормоқда: Россия, Фаластин, Хитойга қарши, деди Венесуэла президенти Николас Мадуро.
Бу ҳақда у Venezolana de Television телеканалидаги “Мадуро + билан” кўрсатувида айтиб ўтди.
ТАСС хабарига кўра, унинг сўзларига кўра, Вашингтон бир қатор ҳарбий можароларни режалаштирган, улар учун 95 миллиард доллар ажратилган.
Мадуро Украинанинг Россияга қарши уруши камида 20 йил давомида Россия қудратини йўқ қилиш учун режалаштирилганини, аммо Вашингтон буни уддалай олмаганини таъкидлади.
Унинг қўшимча қилишича, Россия ҳозирда иқтисодий, сиёсий, ижтимоий, технологик ва ҳарбий жиҳатдан кучлироқ.
Фаластиндаги уруш "Яқин Шарқда сионизм кучини ўрнатиш" учун олиб борилмоқда, АҚШ эса "Тайванда қардош Хитойга қарши уруш бошлашга" ҳаракат қилмоқда, деди Мадуро.
