"Уч соатда манзилга элтади": Самарқанд-Тошкент автобус қатнови йўлга қўйилди
17 апрель кунидан Самарқанд-Тошкент шаҳарлараро автобус қатнови йўлга қўйилди, деб хабар қилди Самарқанд вилоят ҳокимлиги матбуот хизмати.
Хабарда айтилишича, Самарқанд-Тошкент шаҳарлараро замонавий автобус қатнови Самарқанд шаҳридаги автомобиллар Бош бекати орқали йўлга қўйилган.
Мазкур йўналиш бўйича ҳар куни эрталаб соат 07:00, 09:00, 10:00 да Самарқанд шаҳридан ва куннинг иккинчи ярмида, яъни соат 13:30, 16:00, 18:00 да Тошкент шаҳридан ҳаракатланиши белгиланган.
Йўналиш бўйича ҳаракатланиш вақти 3 соатни ва чипта нархи 1 йўловчи учун бир томонга 25 минг сўмни ташкил этади (автобус 55 та ўринга эга).
Матнда хатолик топсангиз, ўша хатони белгилаб, бизга жўнатинг (Ctrl + Enter).
