Тим Уолц вице-президентликка номзодини қўйишга розилигини расман эълон қилди

Миннесота штати губернатори Тим Уолц АҚШ Демократик партиясининг миллий қурултойида бўлажак сайловда вице-президентликка номзодини қўйишга розилигини маълум қилди.

"Қўшма Штатлар вице-президенти лавозимига номзодликни қабул қилиш мен учун шарафдир. Бугун барчамиз сабабга кўра бу ерга йиғилдик: биз бу мамлакатни яхши кўрамиз", — деди Уолц ўз нутқи давомида.

Уолц Ҳаррисга "билдирган ишончи ва ушбу кампанияда иштирок этишга таклиф қилгани учун", шунингдек АҚШ президенти Жо Байденга "тўрт йиллик раҳбарлиги" учун миннатдорчилик билдирди.