Таиландда сув тошқинлари ва кўчкилар оқибатида 20 дан ортиқ киши ҳалок бўлди

Ёмғир Таиланд бўйлаб тошқин ва кўчкиларга сабаб бўлди, 22 киши ҳалок бўлди. Шунингдек, 19 киши жабрланган, 30 мингга яқин хонадон жабрланган. Бу ҳақда Reuters агентлиги хабар берди.

Душанба куни расмийлар баъзи вилоятларда қўшимча хавфлар ҳақида огоҳлантирди.

Жанубий Пхукет оролидаги кўчки оқибатида ҳалок бўлган 13 киши орасида россиялик эр-хотин ва Мьянмадан келган тўққиз нафар муҳожир ҳам бор. Ўтган ҳафта ўнлаб вилоятларда кучли ёмғир ёғди.

Чианграй ва Сукхотай каби шимолий бешта провинцияда сув тошқинлари давом этмоқда. Шунингдек, Чаупхрая дарёсига туташ ҳудудларда, жумладан, Таиланд пойтахти Бангкокда ҳам сув сатҳи назорат остида қолаётган бўлса-да, сувнинг кўтарилиш хавфи юқори.