Сурхондарёда Нехиа-3 ағдарилиб ёниб кетиши натижасида 3 киши ҳалок бўлди
Ҳолат 27-март куни Сариосиё туманининг “Нилу” маҳалласи ҳудудидан ўтувчи 4Р-107 автомобил йўлида содир бўлган.
Машинани ҳайдовчилик гувоҳномасига эга бўлмаган аёл бошқарган. Таъкидланишича, тезлик меъёрдан ошиқ бўлган, натижада у тик нишабликда бошқарувни йўқотиб, бетон тўсиққа урилган. Машинада ёнғин чиққан, натижада ҳайдовчи аёл ва унинг икки фарзанди воқеа жойида вафот этган.
Ҳайдовчининг машинада бўлган яна бир фарзанди ва яқин қариндоши шифохонага ётқизилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
