Сирдарёда мактаб директори ўқитувчиларни мажбуран ишлатди
Сирдарё вилояти Оқолтин туманидаги 9-мактаб ўқитувчилари мактаб директори томонидан мажбурий меҳнатга жалб қилингани тўғрисида хабар тарқалди. Меҳнат вазирлиги ҳолат юзасидан маълумот берди.
Қайд этилишича, ҳолат Сирдарё вилояти Бандлик бош бошқармаси давлат меҳнат инспекцияси томонидан ўрганиб чиқилган. Ўрганиш натижасида 9-сонли мактаб директори ўқитувчиларни мактаб ҳовлиси ва атрофига тозалаш ишларига мажбурий тарзда жалб этгани аниқланган.
Мазкур ҳолат бўйича мактаб директорига нисбатан Маъмурий жавобгарлик тўғрисидаги кодекснинг 51-моддаси (Меҳнатга маъмурий тарзда мажбурлаш) 1-қисмига асосан, базавий ҳисоблаш миқдорининг 50 баробари миқдорида маъмурий жарима қўлланилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
