Швейцария ва Ўзбекистон таълим соҳасидаги ҳамкорлик истиқболларини муҳокама қилди

2024 йил 27 ноябрь куни Тошкент шаҳридаги Hyatt Regency Tashkent меҳмонхонасида «Швейцария кунлари» доирасида ўзбекистонликларнинг Швейцария мактаблари ва университетларида таълим олиш имкониятларига бағишланган таълим куни ўтказилди.

Тадбир Швейцариянинг Ўзбекистондаги элчихонаси ва SGE кўмагида Swiss Learning уюшмаси томонидан ташкил этилди. Таълим кўргазмасида Швейцариянинг 13 та етакчи хусусий мактаб ва университетлари ўз ўқув дастурларини, шунингдек, ёзги ва қишки оромгоҳларни ҳамда меҳмоннавозлик, молия ва ахборот технологиялари каби соҳаларда олий таълим имкониятларини намойиш этди.
Тадбирда Ўзбекистоннинг 100 дан ортиқ сайёҳлик ва таълим агентликлари иштирок этиб, фуқароларнинг Швейцарияда таълим олишга бўлган қизиқиши юқори эканлигини таъкидладилар.


Швейцария ва Ўзбекистоннинг инсон капиталини ривожлантириш соҳасидаги умумий қадриятлари муҳокамаси тадбирнинг асосий масалаларидан бири бўлди. Таълим ҳар икки мамлакат иқтисодий ва ижтимоий тараққиётининг асосий омили сифатида эътироф этилган.

Swiss Learning директори Кристоф Клйва ўзбекистонликларнинг Швейтсария таълимига қизиқиши ортиб бораётганини таъкидлади:
«Ўзбекистонликларнинг Швейцарияда таълим олишга қизиқиши тобора ортиб бормоқда. Ҳозирнинг ўзидаёқ Швейцария мактаблари ва университетларида ўзбекистонлик ўнлаб талабалар таҳсил олмоқда. Авваламбор, уларни таълимнинг юқори даражаси ва ҳар томонлама ривожланганлик ўзига жалб қилади. Болалар фанлардан ташқари ижодкорлик ва санъатга ўрганишади, илғор технологиялар - сунъий интеллект, робототехника, шунингдек, от спортидан тортиб баскетболгача бўлган спорт билан шуғулланишади. Бундан ташқари, Швейцария таълимининг ўзига хос хусусияти унинг амалий йўналганлигидир: юқори синф ўқувчилари олинган билимларни реал ишлаб чиқариш муаммоларини ҳал қилиш учун қўллайдилар.»


Швейцариядаги таълим назарияни амалиёт билан интеграциялашга қаратилган. Бу талабаларга олинган билимларни реал ҳаётда қўллашга имкон беради, бу эса уларнинг меҳнат бозоридаги рақобатбардошлигини сезиларли даражада оширади.
«Швейцариядаги мактаб-панционлар ўқувчиларнинг ҳар томонлама ривожланиши учун ноёб шароитлар яратади: ижодкорлик, мустақил фикрлаш, кўп миллатли муҳитда ишлаш ва бир нечта тилларни ўрганиш - буларнинг барчаси битирувчиларнинг глобал жамиятга муваффақиятли интеграциялашувига ёрдам беради. Швейцария таълим стандартлари Ўзбекистон таълим тизимига босқичма-босқич жорий этилмоқда. Швейцарияда асос солинган ва эталонга айланган ИБ халқаро бакалавриат тизими аллақачон Тошкентдаги бир қатор хусусий мактабларда қабул қилинган ва йилдан йилга оммалашиб бормоқда.»

Тадбирда Швейцария таълимини хорижда тарғиб қилганлик учун ҳар йили топшириладиган Swiss Learning Awardsтақдирлаш маросимига алоҳида эътибор қаратилди. 2024 йилда Марказий Осиёда тиббий тадқиқотларни қўллаб-қувватлаш ва соғлиқни сақлашдан фойдаланишни яхшилаш билан шуғулланувчи MESCA (Medical Excellence and Science in Central Asia) фонди раҳбари Никки Ҳафизи ғолиб бўлди.

2024 йилнинг 23-27 ноябрь кунлари Ўзбекистонда «Швейцария кунлари» бўлиб ўтди. Лойиҳанинг мақсади Ўзбекистон жамоатчилигини Швейцариянинг илғор технологиялари, таълим имкониятлари ва маданияти билан таништириш, шунингдек, икки мамлакат ўртасидаги иқтисодий ва маданий алоқаларни мустаҳкамлашдан иборат.