Россиянинг ОФКга ўтишига 26 та давлат қаршилик кўрсатди

Россия футбол иттифоқи президенти Александр Дюков ташкилотнинг УЕФАдан Осиё футбол конфедерациясига ўтиши мумкин бўлган қийинчиликлар ҳақида гапирди.

Эслатиб ўтамиз, РФИ ижроия қўмитаси ОФКга ўтишга қарши овоз берган, бироқ бу масала келажакда яна кўриб чиқилиши мумкин.

"Осиёда шундай давлатлар борки, улар билан келишиш қийин ёки ҳатто имконсиздир. Бизни Осиёда кўришни ким хоҳламайди? Россияга қарши санкцияларни қўллаб-қувватлаган 26 давлат", — деди Дюков журналистларга.

Аввалроқ Дюков РФИнинг УЕФАдан Осиёга ўтиши расмий халқаро ўйинларни ўтказиш имкониятини кафолатламаслигини айтганди.