Сув тошқинидан жабр кўрган 48 750 нафар қозоғистонлик ўз уйларига қайтди

ҚР Фавқулодда вазиятлар вазирлиги вакили Асқар Шарип мамлакатдаги сув тошқини билан боғлиқ вазият ҳақида маълумот берди, деб хабар беради Kazinform мухбири.

“Шарқий Қозоғистон вилоятининг Алтай ўлкасида сув тошқини билан боғлиқ вазият барқарорлашди. Кеча-кундузги профилактика ишлари туфайли уй атрофидаги барча сув босган жойлардан сув чиқарилиб ташланди. Ҳаммаси бўлиб 370 та қоп ётқизилиб, 1335 тонна инерт материаллар қуйилиб, мотонасослар ёрдамида 27 минг 800 куб метр сув чиқарилди. Умуман олганда, минтақадаги дарёлар критик даражадан ошмайди. Атирау вилоятида қирғоқларни ҳимоя қилиш ишлари давом этмоқда. Сўнгги 5 кун ичида Қулсари шаҳридаги 176 та хонадондан сув йўналтирилиб, насос билан тортилди. Қолган 180 та сув босган уйларни мотонасослар ва кучли кўчма насос станциялари ёрдамида кечаю кундуз сувдан чиқариш ишлари олиб борилмоқда”, - деди Асқар Шарип Марказий коммуникациялар хизматида бўлиб ўтган брифингда.

Унинг сўзларига кўра, Шимолий Қозоғистон вилоятининг Петропавл шаҳри ва Қизилжар туманида, сув босган ҳудудлардан сув чиқарилиш давом этмоқда.

«Республика бўйича 8 минг 378 уйлар ва 2 минг 994 та ҳовли майдонларидан сув йўналтирилиб, насос билан тортилди. 48 750 киши ўз уйларига қайтди. Қутқарув ва сув тошқини олдини олиш ишларига жами 14 минг 251 киши ва 1 минг 428 та техника, 239 та сув насос ускунаси ва 75 та сузиш ускуналари, 4 та ҳаво кемалари жалб этилган», - дея қўшимча қилди А.Шарип.