Украинага 50 миллиард доллар ажратиш ғояси муҳокама қилинмоқда

Америка ҳукумати G7нинг бошқа аъзолари билан Киев ҳукуматига 50 миллиард доллар ёрдам берадиган гуруҳ яратиш бўйича музокаралар олиб бормоқда.

Бу ҳақда Bloomberg манбаларга таяниб ёзмоқда.

"Қўшма Штатлар яқин ҳамкорлари билан Украинага 50 миллиард долларгача ёрдам кўрсатадиган иттифоқчилар гуруҳини бошқариш учун музокаралар олиб бормоқда", дейилади материалда.

Шу билан бирга, америкаликлар ушбу харажатларни "музлатилган суверен Россия активларидан олинган фойда" орқали қоплашни таклиф қилмоқдалар.

Америка томони ҳам бу ғоя бўйича келишув июн ойида Италияда тузилишини талаб қилмоқда.