Россияда ўзбекистонлик эркак 191 минг Швейцария франки билан ушланди

Домодедово аэропортида Ўзбекистондан Швейцария франки олиб келган контрабандачи қўлга олинди.

Москва шаҳрининг Домодедово аэропортида божхоначилар Ўзбекистон фуқаросини Швейцария франки билан қўлга олди. Бу ҳақда Федерал божхона хизмати Lenta нашрига маълум қилди.

Агентлик маълумотларига кўра, йўловчи Туркияга учмоқчи бўлган. У божхоначиларга бор-йўғи 10 минг франк олиб кетаётганини айтган. Аммо курткасидан 111 минг франк топилган. Бундан ташқари, бошқа кийимларнинг чўнтагидан яна 80 минг франк топилган. Ҳаммаси бўлиб, бу тахминан 2,5 млрд сўм.

Ҳозирда жиноий иш қўзғатиш масаласи ҳал қилинмоқда. Эркак тўрт йилга озодликдан маҳрум этилиши мумкин.