Роналду бугуннинг ўзида яна бир рекордни янгилади

Португалиялик футболчи Криштиану Роналду бугуннинг ўзида иккинчи рекордни янгилади.

Аввалроқ ҳужумчи бугун Венгрияга қарши асосий таркибда майдонга тушиб, Европа чемпионатида 5 марта қатнашган ягона футболчига айлангани ҳақида хабар бергандик. Буни қарангки, бу рекорд совимай туриб Криштиану яна бир рекордни янгилади — Венгрия дарвозасига иккита гол уриб, Европа чемпионатида энг кўп гол урган футболчига айланди.

Роналду 11 та гол билан биринчи ўринда, ундан кейинги ўринда собиқ футболчи Мишел Платини бормоқда.