Роналду бизнинг сардоримиз ва етакчимиз – Канселу

Португалия терма жамоасининг ўнг қанот ҳимоячиси Жоау Канселу терма жамоа сардори, 39 ёшли ҳужумчи Криштиану Роналду ҳақида гапирди.

«Роналдунинг олтинчи Европа чемпионати – унинг меҳнати, иқтидори ва эришган барча нарсаси натижасидир. Криштиану - бизнинг етакчимиз ва сардоримиз», - дея Канселу сўзларини келтиради "Mundo Deportivo".

14 июнь куни Германияда бошланган 2024 йилги Европа чемпионатида Португалия терма жамоаси Чехия, Туркия ва Грузия терма жамоалари билан бир гуруҳдан жой олган. Криштиану Роналду бошчилигидаги жамоа Евро-2024 даги илк ўйинини 18 июнь куни Чехияга қарши ўтказади.