Жиззахда Kamaz бутунлай ёниб кетди
Жиззахдан ўтган марказий йўлда юк машинаси ёниб кетди. Бу ҳақда Жиззах вилояти ИИБ хабар берди.
27 сентябрь куни Жиззах вилоятининг Ғаллаорол тумани ҳудудидан ўтувчи М-39 «Тошкент-Термиз» автомобиль йўлида Самарқанд вилоятида яшовчи 1983 йилда туғилган ҳайдовчи Kamaz русумли юк ташувчи транспорт воситасини «Самарқанд-Тошкент» йўналиши бўйича бошқариб кетаётган вақтда, автомашинанинг двигатель қисмида қисқа туташув вужудга келганлиги сабабли ёнғин чиққан.
Бунинг оқибатида юк автомашинаси тўлиқ ёнган. Ёнғин оқибатида ҳайдовчи ва бошқа шахсларга тан жароҳати етмаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).