«Ўзбекистонда ижтимоий тадбиркорликни ривожлантириш» мавзусида давра суҳбати ўтказилди
Прогрессив ислоҳотлар маркази Евросиё Жамғармаси билан ҳамкорликда 2024 йилнинг 27 сентябрь куни Ўзбекистонда ижтимоий тадбиркорликни ривожлантиришга оид ўтказилган тадқиқот натижаларини давлат идоралари ва фуқаролик жамияти институтларига тақдим этиш мақсадида давра суҳбати ташкил этди.
Давра суҳбатида бир қанча давлат идоралари, фуқаролик жамияти институтлари ва нодавлат нотижорат ташкилотларининг вакиллари қатнашди. Жумладан, Олий Мажлис Қонунчилик палатаси депутати, Оила ва зотин-қизлар қўмитаси мутахассиси, Камбағалликни қисқартириш ва бандлик вазирлиги, Экология, атроф-муҳитни мухофаза қилиш ва иқлим ўзгариши вазирлиги мутахассислари, Ижтимоий ҳимоя миллий агентлиги, Ёшлар ишлари агентлиги, Маҳаллабай ишлаш ва тадбиркорликни ривожлантириш агентлиги мутахассислиари, Ўзбекистон Ногиронлари Ассоциацияси, Ўзбекистон нодавлат нотижорат ташкилотлари милли ассоциацияси, «Юксалиш» умуммиллий ҳаракати, «Аёл ва шодлик» Аёллар ва ёшларни ижтимоий ҳимоя қилиш маркази (Сурхондарё вилояти), «Дугоналар» Ногирон аёллар жамияти (Тошкент вилояти) ва бошқа бир қанча ташкилотлар вакиллари қатнашди.
Тадқиқот 2024 йилнинг июнь-август ойларида ташкил этилган бўлиб, тадқиқотнинг мақсади ижтимоий тадбиркорликни ривожланиш истиқболларини баҳолашдан иборат эди. Тадқиқот бир қанча вазифаларни қамраб олган бўлиб, булардан ижтимоий тадбиркорликнинг ўсиши учун энг қулай шароитларни яратиш учун ислоҳот талаб қилинадиган соҳаларни аниқлаш, ижтимоий тадбиркорлик жамиятнинг ижтимоий ва иқтисодий муаммоларини ҳал этишга ҳамда Ўзбекистонда камбағалликни қисқартиришга ҳисса қўшишга қанчалик мос келишини аниқлаш шулар жумласидандир. Тадқиқотда давлат идоралари мутахассислари ва нодавлат нотижорат ташкилотлари раҳбарлари, шунингдек нодавлат нотижорат ташкилотлар қошида ташкил этилган, аҳолининг ижтимоий ҳимояга муҳтож вакилларини иш билан таъминлаган хусусий корхоналар раҳбарлари қатнашди.
«Прогрессив ислоҳотлар маркази томонидан ижтимоий тадбиркорликни Ўзбекистонда ривожлантириш омилларини ўрганиш ва уларга қулай шарт шароитлар яратиш учун таклиф ва тавсиялар ишлаб чиқиш мақсадида тадқиқот ўтказилди. Таклиф ва тавсияларнинг муаммоларни ечишга қатъий йўналтириш мақсадида тегишли вазирлик ва идоралар ҳамда ташкилотлар билан давра суҳбати ўтказилди. Давра суҳбатида ижтимоий тадбиркорликни Ўзбекистонда янада ривожлантириш учун ташкилотларнинг таклиф ва тавсиялари тингланди ва бу таклиф ва тавсияларга асосланиб тадқиқотимиз якуний хулосаларини тегишли ташкилотларга тақдим этилади», — дейди марказ эксперти Раҳматилла Убаев.
Ушбу мақсадларга эришиш учун тадқиқот гуруҳи кенг қамровли таҳлил ўтказди, бунда турли мамлакатлардаги ижтимоий тадбиркорликнинг ҳуқуқий асосларини қиёсий таҳлил қилиш, Ўзбекистон ва қўшни минтақаларда ижтимоий тадбиркорлик бўйича мавжуд тадқиқотларни ўрганиш, шунингдек, давлат идоралари, фуқаролик жамияти ташкилотлари ва фаолияти ижтимоий тадбиркорлликка мос келадиган хусусий корхона раҳбарлари билан ўтказилган фокус-гуруҳ муҳокамалари ва чуқурлаштирилган суҳбатлар орқали дастлабки маълумотларни тўплаш ва таҳлил қилиш амалга оширилди. Ушбу тадқиқот усулларидан фойдаланган ҳолда ижтимоий тадбиркорликни ташкил қилиш учун жорий шарт-шароитлар ва муҳит батафсил кўриб чиқилди ва Ўзбекистонда ижтимоий тадбиркорлар учун қулайроқ шароит яратишга қаратилган тавсиялар ишлаб чиқилди.
Мазкур давра суҳбатида, тадқиқот натижалари, ижтимоий тадбиркорликни ривожланиши учун имкониятлар ва тўсиқлар ҳамда ижтимоий тадбиркорлик соҳасидаги кейинги қадамлар муҳокама қилинди.
