Роналду "Арсенал"га ўтиш таклифини эшитиб кулиб юборди

“Ан-Наср” клуби ва Португалия терма жамоаси марказий ҳужумчиси Криштиану Роналду Ар-Риёддаги бокс оқшомида промоутер Фрэнк Уоррен билан суҳбатлашди.

ОАВ маълумотларига кўра, суҳбат чоғида Уоррен 38 ёшли португалияликни Лондоннинг "Арсенал" жамоасига ўтишни таклиф қилган. Шундан сўнг Роналду кулиб юборди. Эслатиб ўтамиз, Криштиану узоқ вақт Англияда "Манчестер Юнайтед"да ўйнаган.

2023 йил бошида португалиялик Саудия Арабистонига кўчиб ўтди ва "Ан-Наср" билан 2025 йилнинг ёзига қадар шартнома имзолади.