Роналду 2023 йилда энг кўп гол урган футболчи бўлди

Саудия Профессионал Лигасининг 19-турида “Ан-Насср” “Ат-Таавун”ни 4:1 ҳисобида ғалаба қозонди.

Учрашувда “Ан-Насср” ҳужумчиси Криштиану Роналду ҳам гол муаллифига айланди. Шу тариқа, португалиялик футболчи 2023 йилдаги голлари сонини 54 тага етказиб олди ва йилнинг энг яхши тўпурарига айланди.

Ундан кейинги ўринларни “ПСЖ” ҳужумчиси Килиан Мбаппе ва “Бавария” футболчиси Ҳарри Кейн (ҳар иккаласида 52 тадан гол мавжуд) эгаллади. 4-ўриндан эса “Манчестер Сити” форварди Эрлинг Ҳоланд (50 та гол) жой олди.

54 та гол — Криштианунинг 2016 йилдан кейинги энг яхши натижаси. Ўшанда Криш 55 та гол урган. Роналду 2013 йилда 69 та гол уриб, ўз рекордини ўрнатган.