«Реал» Мбаппенинг трансфери бўйича қачон расмий таклиф юбориши маълум бўлди

«Реал» клуби бугун — 1 январь куни «ПСЖ» ҳужумчиси Килиан Мбаппенинг трансфери бўйича расмий таклиф юборади. Бу ҳақда "AS" нашри хабар тарқатди.

Эслатиб ўтамиз, ОАВда тарқатган хабарга кўра, «Мадрид» 25 ёшли футболчига, агар у "қаймоқранглилар" сафига қўшилишни истаса, январь ойи ўртасигача шартномага имзо чекишни талаб қилган.

L'Équipe хабар тарқатишича, "Пари Сен-Жермен" раҳбарияти Килианнинг Парижда қолишига умид қилмоқда.

Франциялик футболчининг «ПСЖ» билан шартномаси 2024 йил ёзига қадар тузилган. У январь ойидан бошлаб бошқа жамоа билан музокара бошлаш ҳуқуқига эга.

Мбаппе Лига 1'нинг жорий мавсумида 16 та ўйинда майдонга тушиб, 18 та гол урди. Шунингдек, у Чемпионлар лигасида 3 та гол муаллифига айланди.