Қозоғистонда 12 нафар ўзбекистонлик ноқонуний ишлагани учун ҳибсга олинди
Атирау вилояти полиция бошқармаси матбуот хизмати хабарига кўра, миграция хизмати ва Миллий хавфсизлик қўмитасининг маҳаллий бошқармаси ходимлари биргаликда ўтказган рейд давомида хорижликлар топилган.
“Текширув Атирау шаҳри ҳудудида жойлашган ишлаб чиқариш объектларида ўтказилди. Текширув давомида 50 нафар хорижий давлат фуқаролари махсус рухсатномасиз ҳам ноқонуний меҳнат қилаётгани аниқланди. Уларнинг 38 нафари Тожикистон Республикаси ва 12 нафари Ўзбекистон Республикаси фуқаролари”, – дейилади бошқарма матбуот хизмати хабарида.
Тўпланган иш ҳужжатлари судга юборилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
