Қозоғистон пандемия ва унга боғлиқ таҳдидларнинг энг ёмон сценарийларига тайёрланмоқда
Қозоғистон Республикаси Хавфсизлик Кенгашининг мажлисида Н. Назарбоев пандемиянинг глобал “иккинчи тўлқини” бўлган тақдирда ресурсларни тайёрлаш, кенг қамровли профилактика чораларини ишлаб чиқиш зарурлигини, шунингдек, касалланиш даражасини ишончли баҳолаш ва прогнозлаш муҳимлигини айтган.
“Инқироздан кейинги даврда ривожланиш прогнозларини, таҳдид ва имкониятларнинг контсептуал кўринишини ишлаб чиқиш зарур. Дунёда мавжуд вазиятни ҳисобга олган ҳолда ривожланиш режасига яна бир бор назар ташлашимиз керак. Биз пандемия ва унга боғлиқ таҳдидларнинг энг ёмон сценарийсига тайёр бўлишимиз керак”, деди Хавфсизлик Кенгаши Раиси.
Учрашув давомида ҳуқуқни муҳофаза қилиш идораларига жиноятчилик ҳолатининг ёмонлашуви ва жиноятчилик ўсишининг олдини олиш, шунингдек профилактика чораларини ишлаб чиқиш бўйича кўрсатмалар берилган.
