Қашқадарёда 17 ёшли футболчи чўкиб кетиб, вафот этди

Қашқадарё вилояти Қамаши туманида 17 ёшли футболчи чўкиб кетиши оқибатида вафот этди, дея хабар бермоқда туман ҳокимлиги ахборот хизмати.

Маълум қилинишича, футболчи 6 июль куни соат 13:00 — 14:00 орасида дўстлари билан Чимқўрғон сув омборига чўмилишга борган ва чўмилиш пайтида чўкиб кетган. Дўстлари унинг жасадини қирғоққа олиб чиққан.

Қайд этилишича, Aсадбек Тўраев тумандаги 83-мактабнинг 11-синф ўқувчиси бўлган. У тумандаги «Қамаши» футбол клуби ярим ҳимоячиси ҳисобланган. Жамоаси билан биргаликда 12−15 июнь кунлари бўлиб ўтган ДХХ раиси кубогида чемпион бўлган эди.