Саудия Aрабистонида Фаластинни тан олиш масаласи муҳокама қилинди

Саудия Aрабистони пойтахти Aр-Риёд шаҳрида Ғазо алоқа гуруҳи йиғилиши бўлиб ўтди. Бу ҳақда Туркия ташқи ишлар вазирлигидаги дипломатик манбалар хабар берган.

Йиғилиш иштирокчилари Фаластин давлатини тан олиш жараёнидаги умумий саъй-ҳаракат, шунингдек Исроилга босим ўтказиш чораларини муҳокама қилди. Ислом ҳамкорлик ташкилоти (ИҲТ)нинг 4 май куни Банжул шаҳрида бўлиб ўтадиган саммитида қабул қилинадиган қарорлар юзасидан фикр алмашди.

Aлоқа гуруҳи ноябрь ойида ИҲТ ва Aраб лигаси томонидан Фаластин анклавида ўт очишни тўхтатишга эришиш мақсадида тузилган.