Прага турнири: Нодирбек Абдусатторов ҳиндистонлик шахматчи билан курашга киришади
Бугун, 4 март куни Прага шаҳрида давом этаётган "Prague International Chess Festival" турнирининг 6-турида Нодирбек Абдусатторов оқ доналарда ҳиндистонлик Рамешбабу Праггнанандхаа билан куч синашади, дея ёзмоқда ЎзА.
Мазкур нуфузли мусобақада Абдусатторов 4 очко билан пешқадамлик қилаётган бўлса, Рамешбабу 5 имкониятдан 2,5 очко жамғарган ҳолда 6-ўринда бормоқда.
Энг кучли шахматчиларнинг10 нафари иштирок этаётган мазкур халқаро турнирнинг 6-турида шунингдек, қуйидаги жуфтликлар рўбарў келмоқда:
Давид Наварра (Чехия) — Ричард Раппорт (Руминия)
Таи Даи Ван Нгуен (Чехия) — Парҳам Магсудлу (Эрон)
Видит Сантош Гужрати (Ҳиндистон) — Винсент Кеймер (Германия)
Доммаражу Гукеш (Ҳиндистон) — Матеуж Бартел (Польша)
Мусобақалар 7 мартга қадар давом этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).