Покистон Ҳиндистон бош вазирини саккиз йил ичида биринчи марта Исломободга ташриф буюришга таклиф қилди

Покистон Ҳиндистон Бош вазири Нарендра Модига 2024 йил 15-16 октабрь кунлари бўлиб ўтиши режалаштирилган Шанхай ҳамкорлик ташкилоти (ШҲТ) Ҳукумат раҳбарларининг йиғилишида иштирок этиш учун Исломободга ташриф буюриш учун расмий таклиф юборди.

Бу ҳақда The Express Tribune нашри хабар берди.

Нашрнинг қайд этишича, Покистон саккиз йил ичида биринчи марта Ҳиндистон раҳбарини мамлакатга расмий ташриф билан таклиф қилган. Охирги марта, 2016 йилда Моди Жанубий Осиё минтақавий ҳамкорлик ассоциацияси (СААРК) саммитида иштирок этиш учун Ислом республикасига таклиф қилинган эди, аммо кейин Ҳиндистон бу тадбирни бойкот қилди.