Парижда пенсия ислоҳотига қарши намойишлар давом этмоқда (ВИДЕО)

Ижтимоий тармоқларда Франция полицияси ва пенсия ислоҳоти намойишчилари ўртасидаги шиддатли тўқнашувлар акс этган кўпроқ суратлар тарқалди.

Францияда пенсия ёшини 62 ёшдан 64 ёшгача кўтарувчи пенсия ислоҳоти лойиҳаси январь ойида тақдим этилган эди. Бу ташаббус бутун мамлакат бўйлаб намойишлар ва иш ташлашларга сабаб бўлди.

16 март куни Франция Вазирлар Маҳкамаси раҳбари ўзининг конституциявий ваколатларидан фойдаланиб, қонун лойиҳаси Миллий ассамблеяда овоз беришсиз қабул қилинишини маълум қилди. Бу қарор кўпинча полиция билан тўқнашувлар билан якунланган намойишларнинг янги тўлқинига сабаб бўлди.