Оқ уй Украинага 125 миллион долларлик янги ёрдам пакетини юборади

Американинг Associated Press ахборот агентлиги ўз манбаларига таяниб хабар беришича, АҚШ президенти Жо Байден маъмурияти яқин орада Украинага 125 миллион долларлик янги ҳарбий ёрдам пакетини жўнатади.

Агентлик маълумотларига кўра, пакетга HIMARS кўп учирувчи ракета тизимлари учун ўқ-дорилар, танкга қарши турли ракеталар, жумладан Javelin, дронлар ва электрон урушларга қарши туриш тизимлари, шунингдек, 155 ва 105 миллиметрли артиллерия снарядлари киради.

Нашрда таъкидланганидек, Оқ уй янги пакетни жума куниёқ расман эълон қилиши мумкин.

Қурол-яроғлар Президентнинг чеклаш бошқармаси схемаси бўйича жўнатилади, яъни улар тўғридан-тўғри Пентагон омборларидан тезда Украинага етказилади.

Associated Press агентлигининг ҳисоб-китобларига кўра, сўнгги пакет маъқуллангач, Россиянинг кенг кўламли босқинини бошлаганидан кейин Киевга кўрсатилган Америка ҳарбий ёрдамининг умумий миқдори 55,7 миллиард долларга этади.