Нигерияда сув тошқинлари камида 185 кишининг ҳаётига зомин бўлди
Тўхтовсиз ёмғирлар ва улар келтириб чиқарган сув тошқинлари Нигерияда камида 185 кишининг ўлимига сабаб бўлди, 208 мингдан ортиқ киши эса ўз уйини ташлаб кетишга мажбур бўлди.
Бу ҳақда maliactu портали маълум қилди.
Портал қайд этишича, Африканинг энг йирик давлати мисли кўрилмаган гуманитар инқирозга юз тутмоқда. Анъанавий равишда мамлакатнинг нон савати ҳисобланган мамлакат шимолидаги ҳудудлар бошқаларга қараганда кўпроқ зарар кўрди. Бу биринчи навбатда 37 киши ҳалок бўлган Жигава штатига тегишли. Умуман олганда, бутун мамлакат бўйлаб 107 минг гектар қишлоқ хўжалиги экинлари йўқ қилинди, бу Нигерия аҳолисининг кўпчилигининг озиқ-овқат хавфсизлигига таҳдид солмоқда.
Инфратузилмага катта зарар етказилди.
Нигерия ҳукумати халқаро ҳамжамиятга шошилинч ёрдам сўраб мурожаат қилди.
