Наҳотки? Эркак юрагида тиш тозалагич билан тўрт йил умргузаронлик қилди

Хитойлик эркак юрагидаги тиш тозалагични олиб ташлаш мақсадида жарроҳлик столига ётқизилди. Daily Mail нашрининг маълум қилишича, у спиртли ичимлик истеъмол қилиш пайтида ўткир учли буюмни ютиб юборган.

Беморни 9 январь куни шифохонага келтиришган, унинг ҳолати бўйича аниқ ташхис эса мана энди ойдинлашди.

Шифохонага 40 даража ҳарорат билан олиб келинган 29 ёшли беморнинг фамилияси Чжоу бўлиб, текширишлар натижасида шифокорлар ўнг ўпкада нотабиий бўлган сояни, шунингдек, юрак соҳасида яллиғланиш борлигини аниқлашди.

Жарроҳлик амалиёти давомида жарроҳлар бемор юрак бўлмачасида олти сантиметрли тиш тозалагич борлигини аниқлашди. Бу буюмниг юрак соҳасига нафас йўли орқали кириб қолгани тахмин қилинмоқда. Шунингдек бу буюм ўнг ўпкани тешиб ўтиб, юракка қадалиб қолгани айтилган.

Бу ёшгина бемор репортёр бўлиб, ичимлигига тиш тозалагич тиқиб қўйишга одатланган. Шу йўл билан у ўзининг қадаҳини белгилаб қўйган. Йигит бундан 4 йилча илгари саломатлиги ёмонлашаётганидан шикоят қилган ва шунча вақт давомида даволаниш учун 22,7 минг фунт стерлинг (деярли икки миллион рубл) сарф қилган.

Чжоу ўпкасидаги яллиғланишдан доимий тарзда азият чеккан, аммо даволовчи шифокорлари унинг бу касаллиги сабабини аниқлай олишмаган. Бир мутахассис унинг лейкемияга чалинганини айтган бўлса, бошқаси унинг сепсисга йўлиққанига ишончи комил эканини билдирган.

Шифокорлар кераксиз даволовчи курслар натижасида унинг аъзолари яхшигина зарарланганинин айтишмоқда.