Мактабда ишловчи пенсионерларга 100 фоиз пенсия тўланиши режалаштирилмоқда
2019 йил 1 январдан халқ таълими муассасаларида ишловчи пенсионер ходимларга тўлиқ миқдорда пенсия тўлаш таклиф этилмоқда. Бу Норматив ҳуқуқий ҳужжатлар муҳокамаси порталида Президентнинг «Халқ таълими тизимини такомиллаштиришга доир чора-тадбирлар тўғрисида»ги фармони лойиҳасига киритилган, деб хабар бермоқда «Норма».
Ҳужжатда юқори тоифали мутахассислар учун халқ таълими муассасалари жозибадорлигини оширишга йўналтирилган чора-тадбирлар комплексини амалга ошириш назарда тутилган.
Шу пайтдан эътиборан умумтаълим муассасалари раҳбарларини пуллик хизматлар кўрсатишдан келиб тушадиган қўшимча даромадларнинг 10 фоизигача миқдорида моддий рағбатлантириш тартибини жорий этиш режалаштирилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
