Левандовскининг "Барселона" билан келажакдаги режалари маълум бўлди

"Барселона" ҳужумчиси Роберт Левандовски жамоасини ўзгартириш ниятида эмас.

Сўнгги кунларда матбуотда польякнинг 2024 йилда кетиши мумкинлиги ҳақида маълумотлар тарқалди - унга асосий даъвогарлар Саудия Арабистони чемпионати вакиллари ҳисобланади.

Журналист Шей Легассининг фикрича, бундай миш-мишлар ҳақиқатга тўғри келмайди. Левандовски "Барселона"да бахтли, у Испаниядаги ҳаётдан тўлиқ мамнун. 35 ёшли футболчи кейинги мавсумни Каталония клубида ўтказиш ниятида, "кўк-анорранглилар" раҳбарияти ҳам келаётган ёзда форвард бўйича таклифларни кўриб чиқмоқчи эмас.