Латвияда бўлиб ўтган халқаро кўргазмада ўзбек табиий гранити экспорти бўйича шартномалар имзоланди

Иқтисод / Бизнес
A A A
Латвияда бўлиб ўтган халқаро кўргазмада ўзбек табиий гранити экспорти бўйича шартномалар имзоланди

Шу йилнинг 21-24 март кунлари Ригада қурилиш соҳасидаги энг йирик — "Māja I 2024" халқаро кўргазмаси бўлиб ўтди, деб хабар қилмоқда "Дунё" АА.

Унда Латвия, Литва, Эстония, Польша, Украина, Финляндия, Италия, Австрия, Дания ва бошқа давлатлардан 400 дан ортиқ компаниялар қатнашди.

Халқаро кўргазма ишида Ўзбекистоннинг "Jommarble" корхонаси томонидан табиий гранит тошдан тайёрланган маҳсулотлар намойиш этилди.

Корхона асосчиси Бахтиёр Рахмановнинг айтишича, бугунги кунда ўзбек табиий гранитидан ишлаб чиқарилган юқори сифатли маҳсулотларга Болтиқбўйи мамлакатларида қизиқиш жуда юқори. Жумладан, кўргазма давомида ушбу корхона раҳбарияти салкам 1 миллион АҚШ долларига тенг экспорт шартномаларини имзолади.

Шунингдек, элчихона кўмагида Ўзбекистондан Латвияга бошқа турдаги қурилиш маҳсулотлари экспортини кенгайтириш бўйича ҳам аниқ келишувларга эришилди.

Киритилди: 13:06 28.03.2024. Ўқилди: 474 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!