Британия Африкадаги сўнгги мустамлакасидан воз кечади
Британия Чагос оролларини Маврикий Иттифоқига қайтармоқчи, бу Британиянинг Африкадаги сўнгги мустамлакаси бўйича ўнлаб йиллар давом этган баҳсда сезиларли ўзгаришларни кўрсатмоқда. Қарор кўп йиллик музокаралар ва халқаро босимлар натижаси бўлди.
2019 йилда Бош Ассамблея ва Халқаро Суд Британияга Чагосни Маврикия ҳукмронлигига қайтаришни буюриб, оролларни босиб олинган ҳудуд деб ҳисоблаган. Бош Ассамблеядаги овоз бериш жараёнида фақат икки давлат - Британия🇬🇧 ва АҚШ🇺🇸 қарши чиқди. Бунинг сабаби, архипелагдаги Диего Гарцияда иккала давлатнинг ҳам йирик ҳарбий базалари бор.
1960-1970 йилларда инглизлар ҳарбий базаларини кенгайтириш учун маҳаллий Чагоссияларни уйларидан мажбуран қувиб чиқаришди. Натижада, сўнгги 60 йил ичида архипелагда фақат АҚШ ва Британия ҳарбий хизматчилари яшаган - атиги 3 минг киши.
Келишув Чагоссияликларга ўз ҳуқуқларини қайтариб олиш имконини берсада, Диего Гарция - Буюк Британия ва АҚШ учун асосий ҳарбий база - Британия назорати остида қолади. Совуқ уруш стратегияларига асосланган бу истисно мустамлакачилик мероси билан яшашга мажбур бўладиган кўплаб Чагоссияликлар учун аччиқ бўлди.
