Мени Фаластин масаласи ташвишга солаётгани йўқ, лекин менинг халқим хавотирда
Американинг The Atlantic журнали Саудия Арабистони валиаҳд шаҳзодаси Муҳаммад бин Салмондан босқинчи исроил билан муносабатларни нормаллаштириш жараёнининг бориши ҳақидаги баёнотини тақдим этди.
Ворис АҚШ Давлат котиби Энтони Блинкен билан учрашувда Фаластин масаласи ва Ғазодаги вазият ҳақида ўз фикрларини билдирди. Муҳокама чоғида шаҳзода исроилнинг Ғазода «терроризм» деб атайдиган нарсага қарши босқинчилик (қирғин) амалиётларини қўллаб-қувватлашини таъкидлаб, бундай ҳаракатлар ҳар 3, 6 ойда ёки йилига бир марта қисқа муддатларда амалга оширилиши мумкинлигини таклиф қилди.
Шу билан бирга, у ички ва халқаро танқидларга йўл қўймаслик учун бундай операциялар нормаллаштириш келишувлари имзолангандан сўнг дарҳол бошланмаслиги кераклигини таъкидлади.
Валиаҳд шаҳзода ўз қироллигидаги демографик вазиятга ҳам эътибор қаратиб, аҳолининг 70 фоизи ундан ёшроқ эканлигини таъкидлади. Аксарият йшлар Фаластин масаласи ҳақида жуда кам маълумотга эга, дейди у, можаро уларнинг эътиборига биринчи марта тушмоқда.
«Шахсан мени Фаластин муаммоси қизиқтирмайди, лекин менинг халқимни қизиқтиради», деб қўшимча қилган Муҳаммад бин Салмон.
