«Исроил Суриядаги Россия ҳаво базасини ракета ҳужуми билан вайрон қилгани» Путин учун хўрлик
Пайшанба куни эрталаб Хмеймим авиабазасига ўттизта ракета урилгани айтилмоқда.
Хабар қилинишича, Исроил Суриядаги Россия авиабазасига зарба бериб , катта ёнғин келиб чиқарган.
Пайшанба куни эрталаб Хмеймим авиабазасига ўттизта ракета урилгани айтилмоқда. Исроил доимгидек ҳужум учун жавобгарликни ўз зиммасига олмади.
Зарба 45 дақиқа давом этган ва у денгиз ҳарбий кемалари томонидан амалга оширилгани тахмин қилинмоқда.
Гувоҳларнинг сўзларига кўра, портлашлар ҳужумдан кейин соатлаб эшитилган.
Исроилнинг бомбардимонидан кейин Латакия осмонида Россия ҳаво патрули кузатилди.
Хмеймим авиабазаси Латакия шаҳрининг жануби-шарқида жойлашган ва 2017 йилдан бери Россия ҳарбийлари томонидан бошқарилади.
Суриялик тележурналист Абдулла Алмоусанинг айтишича, авиабазада жойлашган омбор нишонга олинган.
Путин Сурия диктатори Башар ал-Ассадни астойдил қўллаб-қувватлайди ва мамлакатдаги фуқаролар уруши пайтида уни қутқаришга етиб келган.
Россия Мудофаа вазирлиги маълумотларига кўра, можаронинг бир босқичида Сурияга 60 000 дан ортиқ рус қўшинлари киритилган.
