ЖССТ CОVID-19 билан боғлиқ фалокат ҳақида огоҳлантирди

Бутунжаҳон соғлиқни сақлаш ташкилоти (ЖССТ) Бош директори Тедрос Адханом Гебрейесус янги турдаги коронавирус пандемиясига қарши жорий этилган карантин чораларини назоратсиз бекор қилиш нималарга сабаб бўлиши тўғрисида огоҳлантирди.

Бу ҳақда ТАСС хабар бермоқда.

Унинг таъкидлашича, бундай ҳаракатлар фалокатга олиб келади.

Шу билан бирга, ЖССТ Бош директор мамлакатлар ҳукумати сайёҳлар учун чегараларни очишга қарор қилганда, коронавирус тарқалишига қарши курашишга тайёр бўлиши кераклигини қўшимча қилди.

"Давлатлар вируснинг тарқалишини қанчалик кўп бошқара олса, шунчалик кўп очилиши мумкин", дейди Гебрейесус.