Исроил Мадримов ва Теренс Кроуфорд жанги расман тасдиқланди

Ўзбекистонлик боксчи Исроил Мадримов навбатдаги жангини вазн тоифасидан қатъи назар энг кучли боксчилардан бири Теренс Кроуфордга қарши рингга кўтарилади.

Бу ҳақида бугун АҚШда ўтказилган матбуот анжуманида расман эълон қилинди.

Маълумот учун, Исроил Мадримов айни пайтда биринчи ўрта вазн тоифасида WBA камари соҳиби ҳисобланади.

Теренс Кроуфорд эса ҳозирги кунда яримўрта вазн тоифасида WBC ва WBA камарлари эгаси.

Баҳс айни пайтда Исроилда бўлиб турган WBA камари, шунингдек WBOнинг вақтинчалик камари учун ўтказилади.

Жанг 3 август куни АҚШнинг Лос-Анжелес шаҳрида ташкил этилади.

Боксчилар бугун АҚШда матбуот анжуманида иштирок этишди.

Унда дастлабки face-to-face ҳам ташкил этилди.