АҚШ яҳудийлари Харрисни Трампдан афзал кўрaди

Америкалик яҳудийларнинг атиги чорак қисми республикачи номзод Дональд Трампга овоз беришни режалаштирмоқда, аксарияти эса демократ номзод Камала Харрисни афзал кўради. Буни янги сўровноманинг эълон қилинган маълумотлари тасдиқлайди.

Америка Яҳудий Демократик Кенгаши томонидан ўтказилган янги сўров натижаларига кўра, америкалик яҳудийлар Камала Харрисга катта фарқ билан овоз беришни режалаштирмоқда. Сўров шуни кўрсатдики, америкалик яҳудийларнинг 87 фоизи Ғазо секторида ўт очишни тўхтатишни қўллаб-қувватлайди.

Америкалик яҳудийлар энг кўп қайғурадиган нарса «демократия келажаги» ва «аборт ҳуқуқлари». Антисемитизм муаммоси фақат 5-ўринни эгаллади.

Кўплаб сўровлар шуни кўрсатадики, республикачиларнинг 7-октабрдан кейин кўпроқ яҳудий сайловчиларни жалб этишга қаратилган кенг кўламли ҳаракатлари сезиларли натижаларга олиб келмаган ёки яҳудий электоратни ўзгартирмаган.

Трамп аввалроқ Америка яҳудий электорати республикачиларни етарлича қўллаб-қувватламаётганидан ҳафсаласи пир бўлган, унинг фикрича, аввалги сайловларда яҳудийларнинг атиги 25% ва 26% овозини олганини таъкидлаган.