Ҳиндистон кунлик коронавирус билан касалланганлар сони бўйича антирекорд ўрнатди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 154 миллион 815 мингдан ортиқни ташкил этмоқда,  шундан 3 миллион 236 мингдан зиёд киши вафот этган (06.05.2021 йил Европа вақти билан соат 15:39 ҳолатига кўра). 

Охирги сутка давомида дунёда коронавирус инфекцияси билан касалланишнинг 847 537 янги ҳолати аниқланди. 14 777 нафар бемор вафот этди.

Жонс Хопкинс университетининг ҳозирги (07.05.2021 йил Тошкент вақти билан соат 10:20 ҳолати) маълумотларига кўра, дунёда касалликни 156 миллион 077 мингдан ортиқ одам юқтирган, улардан 3 миллион 256 мингдан ортиғи вафот этган.

Касаллик тасдиқланган ҳолатлар бўйича:
– АҚШ биринчи ўринда турибди, у ерда ЖССТ маълумотларига кўра 32,167 миллиондан ортиқ коронавирус инфекциясини юқтирганлар аниқланган. 
– Иккинчи ўринда Ҳиндистон (21,077 миллиондан ортиқ), 
– учинчи ўринда Бразилия (14,856 миллиондан ортиқ), 
– тўртинчи ўринда Франция (5,616 миллиондан ортиқ), 
– :бешинчи ўринда эса Туркия (4,955 миллиондан ортиқ).

ЖССТ маълумотларига кўра, бир сутка давомида АҚШда 44 834, Ҳиндистонда 412 262 (бу кунлик коронавирус билан касалланганлар сони бўйича антирекорд), Бразилияда 77 359, Францияда 25 764, Туркияда эса 26 476 нафар янги касалланиш ҳолати аниқланган.

ЖССТга кўра, дунё бўйича коронавирусга қарши 1 миллиард 170 миллиондан ортиқ доза вакцина қўлланилган.