Полиция Тбилисидаги намойишчиларга қарши қалампир гази ишлата бошлади

Полиция ходимлари Грузия парламенти биноси яқинидаги намойишчиларга қарши қалампир газидан фойдаланди, дея хабар беради BBC мухбирлари.

Намойишчилар сешанба куни парламент иккинчи ўқишда кўриб чиқа бошлаган «Хорижий таъсирнинг очиқлиги тўғрисида»ги қонун лойиҳасига норозилик билдирмоқда.

Парламент аъзолари муҳокамани якунлашга улгурмадилар ва овоз беришни чоршанба кунига кўчиришга қарор қилинди.

Полиция аввалроқ намойишчиларни парламент биносига хизмат эшигидан узоқлаштира бошлаган ва бир неча кишини ҳибсга олган.